بالخطوات المصورة بريوات معمرين بالكفتة لرمضان

بالخطوات المصورة بريوات معمرين بالكفتة
الطريقة: العجينة عادية بالدقيق الابيض وشويييييييية خميرة دار غير شوية وقبصة ملح اما بالنسبة للدقيق فتقريبا 3 كيسان كبار نتوما يمكن تنقصو او تزيدو المهم تدلك العجينة مزيان وقسمتها الى 6 كويرات صغار ها الصورة كتوضح كلشي
خديت 3 كويرات دلكتهم بالمدلك علا هاد الشكل

ومنبعد كاندير وحدة فوق وحدة ومسح بناتهم بشوية الزيت باش ميلصقوش

وسرح الطبقات ب 3 بالمدلك

وتدار في المقلة الثقيلةعير اصفار من زوج د الجوايه نحيدوه ماتخليوه اطيب والصور كيوضحو كولشي

ملي نحيدوه من المقلة نقطعوه هاكا ونحيدو ليه الجناب

هاكا كايولي ملي كنحلوه

هاهو ملي كملت ها كي كايجي

دابا ندوزو للعمارة واحد الفلفلة مع التومة والتوابل والزيت البلدية والرومية والكمون والربيع

حتا تقلات وتضاف عليها الكفتة وتترك حتا طابت مزيان وتركها حتا بردات ودابا ها الطريقة باش عمرتهم والصور كتوضح كولشي


كندهن الجناب بالدقيق المخلط مع الماء باش الصق

دابا الحشوة لداخل


وسديها بحال شي جوا هه

ها هو الشكل ملي كملت الطوي ديالهم مابقا عير نقليوهم فشوية زيت ويكون سخون بزاف حتا اتحمرو

و يوليو على هاد الشكل

• Tweet
• Share
• Share
• Share
• Share

عن الموقع

موقع عزيزة للنساء العربيات بصفة خاصة تأسس الموقع سنة2011 والحمد لله بمجهودات الاخوات في تطور مستمر المرجوا من المتتبعين في حالة نسخ الموضوع يرجى دكر المصدر جزاكم الله

Related Post