موقع عزيزة ينصح بالابتعاد عن المعلبات
www.02aziza.net
طريقة تحضير الطون المعلب في البيت بالصور
مقادير و طريقة تحضير الطون المعلب في البيت بالصور الموضحة
حوت الطون أو واحد لحوت شكل ديالو بحال طون وزوين ورخيص سميتو BONITA
ملح يكون كثير شوية على حسب المقادير مثلا هنا استعملنا كيلو ونصف
والملح تقريبا نصف رابعة ملح
أوراق موسى
2 ضروس ثوم
www.02aziza.net
من بعد ما نغسلو الحوت ونخليوه يستقطر نرقدوه تقريبا ساعة ونصف مع الملح والثوم وأوراق سيدنا موسى
ثم نعملوه في الكسكاس يتبخر مدة 30 دقيقة
www.02aziza.net
من بعد نزولوه ليه القشرة وشوك هاد النوع مافيهش شوك نهائيا
ونزولو حتا دوك لهبيرات لي كحلين
ونزولو حتا دوك لهبيرات لي كحلين
نخليوه بحال هكا
www.02aziza.net
ونفرتوه بيدينا من بعد ندهنوه بزيت الزيتون مخلطة مع زيت العادية تكون نفس الكمية بيناتهم
لكنتي غادي تحتاجيه فأيام قليلة اقصى حد أسبوع دريه فقريعة زجاج تكون معقمة وخوي عليه زيت عادية مخلطة مع زيت الزيتون وحطي فوق منو ورقة سيدنا موسى وديك ثويمة
غير هي خاص الزيت تكون غالبة حتا يتغطى الحوت كامل وسدي عليه مزيان وحطيه في الثلاجة
كنت ما محتاجاهش تتاخدي الأول لي دهناه بالزيت وتفرقي لمقدار لي بغيتي فالبلاستيك الغدائي (ميكات)
وتحطيهم في المجمد تيبقا غزال وتصبر مدة طويلة غير تحتاجيه جبديه بواحد نصف ساعة وها هو جاهز للإستعمال بيتزا بانيني شلاضة ..........
أما إلى عملتية في القرعة خاصو يستهلك مدة أسبوع وديك زويتة متلوحهاش تنصبي بيها أطباق لحوت تيجي زوين
وعرفتوا راه حك ديال طون داير 110 دراهم/2 كيلو وما فيه والو
اما هذا ب 30 درهم وتيعطينا كيلو ونصف زائد صحي وإقتصادي
www.02aziza.net
موقع عزيزة للنساء العربيات بصفة خاصة تأسس الموقع سنة2011 والحمد لله بمجهودات الاخوات في تطور مستمر المرجوا من المتتبعين في حالة نسخ الموضوع يرجى دكر المصدر جزاكم الله
نقاشنقاش الابتساماتالابتسامات