ابهرى ضيوفك دائما بالجديد من
موقع عزيزة
www.02aziza.net
بسطيلة الوردة
طريقة تحضير بسطيلة على شكل وردة
مقادير بسطيلة الوردة
1/2 كلج ورقة البسطيلة مدهونة بالزبدة
دجاجة بوزن 1و1/2 كلج
4بصلات متوسطين مشلضين
نصف زلافة قزبور ومعدونس هدا الاخير يكون اكثر
2فصوص ثوم محكوكين
2عواد قرفة
كاس زيت مخلط رومي وبلدي الرومي اكثر
م ص سمن
ماء
6 بيضات
للدهن
بياض بيضة والاصفر نزيدوه مع الخليط
العطرية
ملح +ابزار+قرفة مطحونة+سكينجبير +بسيبيسة مطحونة نصف م ص+ خرقوم عادي وبلدي +زعفران حر
مقادير اللوز
1/2 كلج لوز مفسخ ومقلي في الزيت ومهرمش رقيق
م ك قرفة
م ك زبدة
قليل ماء الزهر
كاس سكر كلاصي
طريقة تحضير بسطيلة الوردة بالصور
في قدر نضع البصلة والربيع والثوم والقرفة عواد والعطرية وكاس ص ماء
نشرملو فيه الدجاجة ونخليوها تشحر مزيان ونمرقو ونخليوها طيب
ونزولوها ونفتوها ونعملو ليها قليل سكر ونخليوها جانبا
والمرق نعملوه في مقلات ونشحروه ونزيدو عليه القرفة مطحونة والسكر
ونضيفو البيض وحدة بوحدة وحنا تنحركو مزيان
وخليوه حتى يوقف في الزيت متباقش نقطة دالماء
www.02aziza.net
ونخليوه يبرد
طريقة اللوز
نشدو اللو نصبو عليه الماء طايب ونقشروه ونقليوه ونحنوه
ونخلطوه مع القرفة والسكر كلاصي
المونطاج
تنحتاجو 2 قوالب ايطار على شكل وردة واحد اكبر من الاخر
ناخدو الايطار الكبير وندهنو جوانب ديالو بالزبدة ونطلقو فيه الورقة مع مراعاة تتبيها في الجوانب لاخد شكل الايطار
ونعملو الطبقة الاولى لوز لاننا غادي نقلبوه لي لفوق غادي يرجع لتحت لانها متتلمطش باش تبقى قابطة الفورمة ديالها
ثم الدجاج
ويمكن لينا نفرقو ما بين الطبقات بورقة محمرة في الفرن باش متباقش خضرا من الداخل
ثم نعملو الدغميرة دالبصلة والبيض
ونجمعو الورقة للداخل مع الدهن بابيض البيض ونقطعو ورقة على قدر الوجه ونغطيو بها الكل ولكن متخرجش لينا من الجناب تبقى في الوسط
ونقلبو البسطيلة في لاطة لي ندخلوها للفرن
وندهنو الوجه ديالها بابيض البيض ونزولو الايطار الصغير في النصف
ناخدو الورقة ونقطحوها لدوائر صغيرة قد دائرة الماصابان ونعملوها على شكل وردة او على شكل صاروخ ورقي لي كنا تنعملوهم في الصغر ديانا
وندهنوهم بابيض البيض ونتبتوهم في جوانب القالب
والفي السط نعملو بقايا الرقة مقطعى رقيقة جدا بالمقص نتمنى نكون عرفت نوصل الفكرة
وندخلوها للفرن طيب
ومنين تخرج ندهنو الجوانب لي خاويين بالعسل
www.02aziza.net
ونزينوهم برقائق اللوز
والوسط رشوه بالسكر كلاصي وتقدم بالصحة
وهذا الشكل النهائي للبسطيلة الوردة
موقع عزيزة للنساء العربيات بصفة خاصة تأسس الموقع سنة2011 والحمد لله بمجهودات الاخوات في تطور مستمر المرجوا من المتتبعين في حالة نسخ الموضوع يرجى دكر المصدر جزاكم الله
نقاشنقاش الابتساماتالابتسامات