السلام عليكم ورحمة الله وبركاته
عواشركم مباركة ونتمنى من الله ان يتقبل منا الصيام و القيام وان نكون من العتقاء من النار يارب
هده اول مشاركة لي معاكم مع اني قديمة في هد المنتدى الي صراحة راااائع و تعلمت فيه الكثير
و نتمنى متكونش اخر مرة ان شاء الله
غدي نطلع ليكم فالراس كانت شداني عليكم غير الدراسة
بلا ما نطول عليكم هدي حليوات اللوز الي قديت لدارنا في هد العيد نتمنا تعجبكم
مقادير العجين
بالنسبة للعجين كل واحد واش كيدير فيها انا استعملت
3 زلايف دقيق + 1/2 زلافة زبدة + ماء الزهر لجمع العجين
عقدة اللوز
1 كيلو لوز
400 غرام سنيدة + 8 م ك زبدة دايبة + مسكة حرة + ماء الزهر لجمع العجين
الطريقة
كنعجن العجين تخليوها ترتاح في الثلاجة تقريبا 2 ساعت
نو جدو العقدة تاع اللوز : يطحن اللوز في الاول بدون سكر تم في الطنة ثاتية كنزيدو ليه السكر
من بعد ما يتطحن نضيفو الزبدة + مسكة الحرة ونجمعوه بماء الزهر
الشكل الاول
الطريقة موضحة في الصور
نطلقو العجين تم نعمل من عجين اللوز حربال تم نلفو العجين عليه ونقطعوه معينات بحال لي فالصورة
للتزين ناخد العجين نزيدو عليها الكاكاو للحصول على عجين سوداء لتشكيل لعريشات
ندهن العرش من الاسفل بابيض البيض لكي يلتصق بالحلوة او ما يطيرش من طيب
نعملو تقب في الوسط لوضع الوردة
طريقة عمل الوردة
كنجمع الوردة من الاسفل باش ندخلوها في الثقب الي عملنا بواسطة عود الاسنان لما نوضعوها كنحل ليها الورقات باعود الاسنان باش تجي وردة محلولة كيف باينة في الصور
قبل من دخلها الفران دهنتهم بالزبدة
من طابت دهنتها بالنباج
الشكل الثاني
نخليكم مع الطريقة موضحة في الصور
العريشات كندهنهم من الاسفل بابيض البيض اكنوضعهم بواسطة عود الاسنان
الشكل الثالت
الكلاصاج
نخليكم مع الصور
تحمع الاطراف
من بعد كنقلبها على الضهر تاعها ا كنقاد الاراف باش نعطيها الشكل تاعها
تدخل للفرن بهدما دهنتها بالزبدة
لما كتخرج كنغطس ليها الوجه في الكلاصاج ونخليها حتى ينشف من بعد زوقتها بالكلاصاج الابيض وتركيها ليلة كاملة باش تنشف مزيان
لكلاصاج
أبيض بيضة +قرصة ملح + عصير نصف حامضة + ملعقة كبيرة ماء الزهر + ملعقة صغيرة زيت + سكر كلاصي
الطريقة
نخفق ابيض البيض + قرصة الملح مع عصير الحامض و ماء الزهر حتى يصبح متل الرغوة ابيض و نبدا في اضافة السكر الى ان نحصل على خليط عاقد او ما شي خفيف جربيه في الحلوة الا كان كينزل بزربة زيدي السكر فاش نسليو كنضيفو ملعقة الزيت الي كتعطيه لمعان
في الاخير كضيفي النكهة او الملون لي عجبك ليه { انا درت نكهة الحامض هي عطاتو لون اصفر}
الاشكال الاخرى مصورتها ش ولكن كنواعدكم نحطها ليكم ان شاء الله
هدو حلوات صابلي مزوقين ب la pate d'amande
موقع عزيزة للنساء العربيات بصفة خاصة تأسس الموقع سنة2011 والحمد لله بمجهودات الاخوات في تطور مستمر المرجوا من المتتبعين في حالة نسخ الموضوع يرجى دكر المصدر جزاكم الله
نقاشنقاش الابتساماتالابتسامات