السلام عليكم
هاد الرغايف كيجيو رطبييين و فننين و كيجيو بحال بتي بان
المقادير
نصف كيلو فورص
ربع كيلو فينو
بيضة
نصف كاس زيت المائدة
نصف كاس سنيدة
خميرة العجين حسب الجو
شويية الملح
خمارة حمراء ( نخليوها حتى يخمر العجين )
زيت المائدة للتوريق
نعجنو المقادير كلها الا الخمارة الحمراء وندلكوها مزيااان و نخليوها تخمر
من بعد ما تخمر العجينة ديالنا كنزيدوها الخمارة الحمراء ونعاودو ندلكوها مزياان
نعملوها كويرات صغار
www.02aziza.net
و نسرحوها بحال الى غنديرو المسمن
و نورقوها بالزيت مزياان
و نطويوها و فكل مرة ندهنوها بالزيت حتى نشكلوها بحال مسمنة
و نعاودو نسرحو وحدة اخرى ونورقوها بالزيت ونحطو وسطها الرغيفة لي صاوبنا قبل و نجمعوها عليها و حنا كنورقو بالزيت ( يعني كنديرو وحدة وسط وحدة ) غير 2
نكملو الرغيفات لي عندنا و نحطوهم فلاطة ديال الفران كيفما هما يعني غير نطويوهم ونحطوهم بلا ما نكرصوهم ما واالو
ها هما من بعد ما خمرو ندهنوهم بالبيض مخلط مع شوية الحليب و سنيدة
ندخلوهم للفرن على نار متوسطة
من بعد ما نخرجوهم من الفرن ندهنوهم من الفوق بالعسل مزياان و نرشو عليهم اللوز مهرمش
و ممكن نعملو وسطهم الشكلاط
مسن خفيف ورطب مثل كرواصة
www.02aziza.net
نتمنى يعجبوكم و تجربوهم
موقع عزيزة للنساء العربيات بصفة خاصة تأسس الموقع سنة2011 والحمد لله بمجهودات الاخوات في تطور مستمر المرجوا من المتتبعين في حالة نسخ الموضوع يرجى دكر المصدر جزاكم الله
نقاشنقاش الابتساماتالابتسامات